Gazetari Artan Hoxha të martën është shprehur se rruga Elbasan-Gjinar, duhet të kishte përfunduar për dy vjet, por ajo është zgjatur për dhjetë vite dhe ende nuk ka përfunduar.
Hoxha bëri me dije se tenderi është bërë në vitin 2008, ndërsa jemi në vitin 2018 dhe nuk ka ende një rrugë të re.
Ai tha se rruga është me zhavorr dhe e papërfunduar, ndërsa tenderi i rrugës ka kapur shifrën e 5 miliard lekë të vjetra.
Sipas tij, rruga e Gjinarit është një rrugë atraktive dhe turistike për zonën e Elbasanit.
“Parat janë shpenzuar, janë dhënë firmës që duhet të zbatonte projektin, por rruga sot nuk ekziston, ajo nuk ka përfunduar. Pikërisht nga kjo premisë, Prokuroria ka nisur hetimet”,-tha Hoxha.
Ai tha se të dy drejtorët kanë përgjegjësi pikërisht për këtë fakt, pasi kanë shpenzuar të gjitha parat e destinuar për këtë rrugë. Ata nuk kanë kontrolluar parat dhe zhvillimin e punimeve të rrugës.
Hoxha nwnvizoi se janë shpenzuar plotësisht fondet, ndërsa objekti nuk ka përfunduar, që të përfundojë kjo rrugë, do kërkohet fond shtesë.
