Aktualitet

Rruga e Rinasit me një sens kalimi, protestuesit përplasen me policinë


Bëhu pjesë e Grupit Zyrtar të Opinion.al
>> KËTU <<
               Publikuar në : 10:20 - 02/05/22 |
Opi Nion

Qytetarët kanë dalë në protestë pas vendimit të ARRSH që rruga e Rinasit do të jetë vetëm me një kah.

Ky aks u bë vetëm me një sens kalimi dhe solli trafik të rënduar me radhë të gjata automjetesh.

Ky vendim penalizon gjithashtu banorët e zonës së Rinasit. Një ditë më parë ata u shprehën se për disa metra furgonët e shkollave duhet të përshkojnë një rrugë të gjatë.

Për këtë arsye, sikurse njoftuan ata janë mbledhur sot për të protestuar. Në vendngjarje ka forca të shtuara të policisë. Efektivët nuk lejojnë protestuesit që të bllokojnë qarkullimin.

Sakaq, nëse nuk i jepet zgjidhje banorët paralajmërojnë se do të jenë aty çdo ditë, duke bllokuar rrugën e aeroportit. “Nëse nuk hiqen tabelat, këtu do të jemi çdo ditë. Do ta bllokojmë aeroportin totalisht”, tha një prej tyre. Në një moment ka pasur përplasje mes protestuesve dhe forcave të policisë.

“Për të blerë bukë, duhet ti biem nga Vora. Nuk çojmë dot fëmijët në shkollë. Unë e kam marrë vesh pardje, nuk dimë asgjë. Nuk ka asnjë rrugë, vetëm nga Fushë-Kruja. Është planifikuar protesta 10-12. Deri me 12 nuk do të lëvizim. I kemi njoftuar të gjithë. Këtu është planifikuar vendi. Nesër nga 6 orë do rrimë këtu derisa të hiqen tabelat. Nuk gjendet zgjidhet me këta. Shihe çfarë ka bërë kryeministri jonë. Ne nuk kemi ardhur me shkopa gome. Ne kemi ardhur me duar në xhepa. Nëse njëri nga banorët e Rinasit preket me dorë, atëherë keni për ta parë se kush janë banorët e Rinasit”, thonë banorët.

Shqetësimi i tyre është edhe rritje e kostos së përditshme.

“Këtë rrugë e bëjmë 100 herë në ditë. Nga shtëpia deri në aeroport 15 mijë lekë”, thonë banorët.

Pas