Pas aksidentit tragjik në rrugën “Xhanfize Keko” ku humbën jetën 2 këmbësorë, ekspertët ngrenë alarmin se kjo rrugë paraqet probleme. Sipas ekspertit Fatmir Hasho, sinjalistika në këtë segment rrugor është e paplotë dhe nuk i orienton qartë drejtuesit e automjeteve që të kalojnë pa rrezikuar.
Po për ekspertin e sigurisë rrugore e gjithë rruga e porcelanit ka nevojë për një rimatje të trafikut. Pas rikontruksionit, kjo rrugë ndahet në 3 korsi, 2 në drejtim të qendrës e 1 drejt Kinostudios. Ky vijëzim i ri jo vetëm ka rritur paqartësinë tek drejtuesit e automjeteve, por sipas ekspertit ka disa probleme.
“Vendqëndrimet e autobusëve nuk janë bërë të mjaftueshme ku autobusi të futet lirshëm, gomat e tyre duan s’duan marrin nga korsia e automjeteve. Në rastin kur s’ka xhepa nuk diskutohet që është gabim. Autobusi nuk duhet asnjëherë të zënë korsinë e lëvizjes së automjeteve se nuk ka asnjë logjikë që mjetet të presin në radhë sa të zbresin e ngjiten njerëzit. Mjetet janë të detyruara të prekin korsinë tjetër, të cilën e kanë rreptësisht të ndaluar”, thotë Fatmir Hasho.
Edhe makinat që ndalojnë anash rrugës janë një burim trafiku e rreziku për aksidente./ Opinion.al
