Ministri i Transporteve Damian Gjiknuri duke folur për herë të parë për taksën e Rrugës së Kombit ka përmendur emer për emer ish-ministrat e PD dhe LSI që kanë qenë pro taksës për këtë rrugë në kohën kur kane qenë në pushtet. Ai është ndalur vetem tek deklaratat politike dhe jo tek shqetësimi i qindra qytetareve që kanë reaguar në rrjetet sociale dhe disa syresh janë organizuar për protestë ditën e shtunë. Po kështu Gjiknuri nuk ka folur as për protestën e biznesit të Kosovës, të cilët duket se janë më të dëmtuarit nga taksa e rrugës.
Pjesë nga deklarata e Gjiknurit në parlament
Rruga e Kombit ka kushtuar 1.3 miliardë dhe duhen edhe 300 milionë USD për ta përfunduar. Dhe dua të citoj çfarë deklaronte Sali Berisha në vitin 2010: Ne e ndërtuam por ne se mirëmbajmë dot, ne do të detyrohemi ta japim me koncension. Edhe i ndjeri Olldashi mbante të njëjtin qendrim.
Sot kolegët dalin e bëjmë patriotin. Këta pseudopatriotë që duan të bëjnë politikën e ditës ju them se pseudopatriotizmi është streha e fundit e maskarenjve.
Tani po u citoj edhe ministrat e LSI. Edmond Haxhinasto ka thënë: Të ndjekim një praktikë të domosdoshme për mirëmbajtjen, duke e llogaritur me taksat rajonale. Sokol Dervishi ka thënë: Të fillojë të operojë sa më parë koncesioni. Të përfundojë gjithë projekti.
Manjani i 2015 ndryshon nga ai i 2018. Asokohe thoshte se 500 mijë USD në vit harxhojmë vetem energji për tunelin e Kalimashit. Në gjithë botën sistemi i rrugëve paguhet.
Kështu, dua tju them që lëreni këtë politikë me taksën. Rruga vertet u bë për patriotizëm por nuk mund të mbahet për patriotizëm. Ajo duhet mirëmbajtur.
