Katër persona janë plagosur ditën e sotme pasi një rrufe goditi kodrën e Akropolit gjatë një stuhie të fuqishme.
Sipas mediave greke, të plagosur kanë mbetur dy roje dhe dy turistë, të cilët ndodheshin aty. Ata janë transportuar me urgjencë drejt spitalit dhe janë jashtë rrezikut për jetën.
Shërbimi Kombëtar Meteorologjik i Greqisë (EMY) lëshoi një raport të emergjencës sot, duke paralajmëruar stuhi dhe breshër në mbrëmje, ndërsa mësohet se moti i keq do vazhdojë edhe gjatë ditëve në vijim në kryeqytetin e Greqisë dhe autoritetet vendase i bëjnë thirrje turistëve të mos vizitojnë këto ditë Akropolin./Opinion.al
