Drejtoresha e shkollës “Aleksandër Moisiu” në Kavajë nuk është mjaftuar thjesht me një reagim kundër statusit të dy ditëve më parë të ish-kryeministrit Berisha, i cili e akuzonte për lidhje me Elvis Roshin në shpërndarjen e hashashit në shkollën që ajo drejton, por ka nxjerrë në protestë edhe nxënës, prindër dhe mësues të stafi pedagogjik.
Drejtoresha e këtij gjimnazi, Rovena Xeka i ka quajtur shpifje të mirëfilltë postimin në Facebook të ish kryeministrit Sali Berisha, duke shtuar se do ta ndjekë në rrugë ligjore këtë shpifje të ulët të ish-kryeministrit. Xaxa u zotua se në gjimnazin e drejtuar prej saj ky fenomen nuk ekziston.
Edhe prinderit kanë dalë në mbështetje të stafit pedagogjik, duke deklaruar se janë të sigurtë për fëmijët e tyre, pasi janë nën kujdesin e një stafi pedagogjik profesionist.
Kjo nuk është hera e parë që në Kavajë zhvillohen protesta të tilla. Një e tillë u zhvillua edhe më 31 maj të vitit 2016, ku Elvis Roshi pasi dha dorëheqjen si kryetar i Bashkisë mblodhi popullin socialist në sheshin para institucionit. Ndërkohë që sot një drejtoreshë shkolle braktis mësimin dhe nxjerr nxënësit në rrugë po për Elvis Roshin
Statusi i Berishës
