Bota

Rritje rekord e rasteve me COVID-19, Kina shton masat kufizuese



Bëhu pjesë e Grupit Zyrtar të Opinion.al
>> KËTU <<
               Publikuar në : 17:10 - 24/11/22 |
Opi Nion

Kina ka regjistruar numrin më të madh të rasteve të përditshme me Covid-19 që nga fillimi i pandemisë, pavarësisht masave të rrepta të ndërmarra për të eliminuar virusin.

Mediat e huaja shkruajnë se të mërkurën u regjistruan 31,527 raste me Covid-19, ndërsa disa qytete të mëdha, përfshirë kryeqytetin Pekin dhe qendrën jugore tregtare Guangzhou janë përfshirë nga një valë infektimesh me virus.

Shifrat janë të vogla për një vend me 1.4 miliardë banorë dhe zyrtarisht pak më shumë se 5,200 kanë vdekur që nga fillimi i pandemisë.

Ndërsa politika e Kinës për zero-Covid ka shpëtuar jetë, ajo gjithashtu i ka dhënë një goditje të rëndë ekonomisë dhe jetës së njerëzve të zakonshëm.

Vala në rritje e rasteve vjen gjithashtu disa javë pasi vendi lehtësoi paksa disa nga kufizimet e tij Covid, duke shkurtuar karantinën për kontakte të ngushta nga shtatë ditë në pesë ditë dhe tri ditë në shtëpi, si dhe ndaloi regjistrimin e kontakteve dytësore, gjë që lejoi shumë më tepër njerëz të shmangin karantinimin.

Por përballë një rritjeje të përtërirë të rasteve në Pekin, si dhe vdekjeve të para nga virusi në muaj, zyrtarët kanë zbatuar tashmë disa kufizime në disa rrethe, me dyqane, shkolla dhe restorante të mbyllura.

Qyteti qendror i Zhengzhou do të zbatojë gjithashtu një bllokim efektiv për 6 milionë banorë nga e premtja, njoftuan zyrtarët. Kjo pason protestat e dhunshme në një kompleks të madh industrial që i përket prodhuesit të iPhone Foxconn. Firma ka kërkuar falje për një “gabim teknik” në sistemet e saj të pagesave./Opinion.al

Pas