Viruset gripale në qarkullim prej disa javësh po mbizotërojnë mbi Covid 19. Mjekët referojnë se rastet e të prekurve po rriten çdo ditë. Gripi është më agresiv dhe zgjat më shumë kohë se Covid.
“Kemi një rritje të numrit të vizitave, në ditë të zakonshme 30-35 vizita në ditë. Viroza e gripit është me simptoma shumë të forta, temperaturë shumë e lartë që vazhdon dhe kollë ngacmuese, mbytëse tek pacientët dhe virusi dhe simptomatologjia vazhdon për ditë më të gjata”.
Mjekët thonë se raste më të shpeshta janë tek moshat aktive, kjo për faktin se thuajse 80% e të moshuarve janë vaksinuar kundër gripit.
“Fëmijët dihen se janë më të ndjeshëm. Unë kam patur më shumë raste nga 14 deri në 40 vjeç”.
Ekspertët parashikojnë që piku i infektimeve të arrihet në fund të muajit Janar ndaj edhe rekomandojnë që në këtë periudhë të shmangen mjediset e mbyllura ose të përdoret maska. Ushqimi i shëndetshëm në rastet e prekura nga gripi dhe mos marrja e antibiotikeve mbetet thelbësore për ta kaluar lehtë./ Tv Klan
