Presidenti i Francës, Emanuel Makron i ka shprehur publikisht dyshimet e tij për situatën reale të koronavirusit në Kinë duke thënë se është skeptik lidhur me menaxhimin e sëmundjes atje.
Në një intervistë për Financial Times, Makron rrëzoi tezën se sistemi autoritar i Kinës i kishte dhënë asaj një avantazh në krahësim me demokracitë perëndimore për të menaxhuar krizën. Ai tha se nuk kishte asnjë krahasim midis shoqërive të hapura dhe atyre ku shtypet e vërteta.
“Duke pasur parasysh këto ndryshime, zgjedhjet e bëra dhe ajo që është Kina sot, të cilën unë e respektoj, le të mos jemi aq naiv sa të themi se ka qenë shumë më mirë në trajtimin e kësaj pandemie se vendet e tjera,” ai tha.
“Ne nuk e dimë. Ka qartësisht gjera qe kane ndodhur qe ne nuk i dime”- tha ai.
Komentet e tij vijnë në një kohë kur Kina rishikoi numrin e saj të vdekjes nga qyteti Vuhan, ku numri i vdekjeve u rrit me 50% vetëm në një ditë.
Kina ka raportuar ditën e sotme 1290 viktima të reja nga koronavirusin, duke e çuar numrin total të viktimave në 4632, një shifër ende shumë e vogël krahasuar me vendet perëndimore.
Kina e hodhi poshtë pretendimin e Makron, duke thënë përmes zëdhënësit të qeverisë, Zhao Lijian, se “Kina nuk ka bërë kurrë ndonjë koment negative në lidhje me mënyrën se si Franca po e Lufton pandeminë dhe nuk ka ndërmendë ta bëjë një gjë të tillë”. /Opinion.al
