Komiteti teknik i eskpertëve, në mbledhjen e radhës ka bërë të ditur rritjen e rasteve Covid dhe shtrimeve në spitale gjatë javës së fundit.
“Incidenca javore është rritur në 209 raste për 100 mijë banorë, është një incidencë që duket një rritje e rëndësishme sepse deri një javë përpara kjo ishte nën 200. E them këtë edhe nga masat që kanë marrë disa masa që e kërkojnë tavanin e incidencës nën 200”, tha mjekja Silva Bino e cila shtoi se kjo rritje kombinohet edhe me rritjen e shtrimeve në spitale dhe rritjen e numrit të vdekjeve.
“Kemi një rritje të incidencës dy javore në 209 raste për 100 mijë banorë. Rritja më e madhe në Tiranë, Durrës, Fier, në bashkinë e Sarandës dhe në disa bashki të tjera, por të marrim gjithë Shqipërinë ka rritje graduale. Ka rritje jo vetëm në grupmoshën e re, rritje të rasteve në të gjitha grupmoshat, jo vetëm në ato të reja por edhe në mosha të tjera”, tha Bino.
Ndërkohë shefja e infektivit Najada Çomo, deklaroi se të shtruarit në spitale i përkasin të gjitha moshave nga 30-90 vjeçare, ndërkohë që edhe personat në moshë të re paraesin forma të rënda të sëmundjes.
“Fasha më e prekur e të shtruarve është ajo e moshës 50-60 vjeç. Edhe personat në moshë të re paraqesin forma të rënda të shfaqjes së sëmundjes”./Opinion.al
