Kreu i Partisë Demokratike, Sali Berisha gjatë bashkëbisedimit online me shqiptarët në Itali tha se me rritjen e çmimit të energjisë, kryeministri Rama i ka shpallur luftë të hapur shtresës së mesme.
Berisha shtoi se në shoqëri nuk mund të zhvillohet kurrë pa shtresën e mesme.
“Sot kemi rrogën mesatare më të ulët në rajon, 20-30% më të ulët se Kosova. Ju ngritët shqetësimin për çmimet. Bordet komuniste tha Rama janë të dobishme. Po, janë të dobishme sepse cakton çmimin që do. Dhe me çmimet e rritura cakton të ardhurat e tij. Rama caktoi gjithsej 50 mln për shqiptarët. Tani ka bërë një rritje të jashtëzakonshme të energjisë. Përse? Do të godasë shtresën e mesme, i ka shpallur luftë të hapur shtresës së mesme. Një shoqëri pa shtresën e mesme, kurrë nuk mund të zhvillohet”, tha Berisha./Opinion.al
