Guverantori i Bankës Gent Sejko tha në një dalje për mediat se rritja e ekonomisë shqiptare me 17.9% pasqyroi zgjerimin e aktivitetit ndërtues dhe industrial. Sejko tha se Banka e Shqipërisë do të mbajë të pandryshuar normën e interesit, ndërsa shtoi se nëse rritja e parashikuar e çmimeve do të jetë e fortë, Këshilli Mbikëqyrës do të rishikojë politikën monetare.
“Patëm 17.9% rritje ekonomike në 3 mujorin e dytë. Janë rikuperuar tërësisht humbjet e tërmetit dhe pandemisë. Rritja pasqyroi zgjetrim të aktivitetit ndërtues industrial. Rritja e aktivitetit ekonomik ka filluar të pasqyrohet në aktivitetin e punës. Prespektiva ekonomike mbetet pozitive. Rritja ekonomike do të vijojë në vazhdim. Inflacioni në gusht dhe korrik ka ardhur në rritje karahasuar me 6 muajt e fundit. Çmimet e lëndëve të para të ushqimeve dhe produkteve kanë njohur në rritje të shpejtë gjatë muajve të fundit. Projeksionet aktuale flasin për një normalizim të situatës gjatë vitit të ardhshëm. Ecuria e çmimeve të produkteve energjetike vijon të mbetet në veëmendje të bankave në të gjithë botën. Presionet inflacioniste të gjeneruara nga ekonomia e brendshme paraqiten rritje. Kjo rritje vjen edhe nga rritja e pagave dhe punësimeve. Ecuria e inflacionit rrezikohet nga ecuria e çmimeve në tregjet botërore. Rreziqet janë rivendosja e kufizimeve, rimëkëmbje më e ngadaltë e investimeve dhe konsumit si edhe një shtrëngim më I shpejtë I kushteve monetare. Rritje më e shpejtë dhe më e qëndrueshme në kohë në tregjet botërore. Skenari i fundit po merr rritje të çmimit të naftës dhe gazit në tregje botërore”, tha Sejko duke shtuar se nëse do të kemi një rritje të inflacionit mbi parashikimet atëherë do të reagohet me rritje të normës së interesit.
“Këshilli Mbikëqyrës i BSH vlerësoi se qëndrimi aktual i politikës monetare mbetet i përshtatshëm. Rrjedhimisht Këshilli Mbikëqyrës vendosi të lërë të pandryshuar normë n bazë të interesit në nivelin 0, 5 për qind, gjithashtu të lërë të pandryshuara normat e interesit te kredive një ditore, në nivelet e 0,1 dhe 0,9 për qind. Rritja e çmimeve vjen si pasojë e inflacionit të importuar nga tregjet ndërkombëtare. Nuk e kemi ndryshuar normën e interest dhe të interesit të kredive 1 ditore. Është rritur nafta, gazi dhe energjia veçanërisht në Eurozonë. Gjithësesi në tregun e brendshëm, me përjashtim të rritjes së çmimit të naftës dhe bukës nuk kemi parë rritje të çmimeve. Pritshmëria është për tremujorin e fundit të këtij viti dhe tremujorin e parë të vitit të ardhshëm. Në dimër nevoja për energji dhe gaz do jetë më e lartë. Gjithësesi është për tu parë si do reagojnë tregjet. BSH do monitorojë situatën dhe do të shohë si do të reflektohet kjo në inflacion. Nëse inflacioni bazë, pra i brendshëm do rritet më shpejt se parashikimet, ne do reagojmë. Do kalojmë në politikën monetare shtrënguese, pra me rritje të normës së interesit”, tha Sejko./Opinion.al
