Çmimet e shërbimeve dentare janë rritur ndjeshëm nis nga ky muaj. Vendimi është marrë nga Urdhëri i Stomatologëve që drejtohet nga Nikoll Deda. Gazetari i TCH, Klodian Tomorri ka reaguar ashpër duke e quajtur Urdhërin një “kartel kriminal”. Ai hedh dyshime se Deda mund të ketë lidhje politike me mazhorancën, pasi ka qenë kandidati për deputet i PS për Pukën në vitin 2013.
“Përmes një vendimi të paligjshëm e madje kriminal, Urdhri i Stomatologëve ka fiksuar çmimet e shërbimeve dentare në të gjithë vendin.Vendimi i marrë nga Këshilli Kombëtar i Stomatologeve që përcakton çmimet për çdo shërbim dentar, të cilat janë të detyrueshme për çdo dentist në vend. Çmenduria arrin deri aty sa vendimi eshte publikuar ne faqen zyrtare te Urdhrit me firmen e presidentit, ish-kandidat per deputet i Partise Socialiste”, shkruan gazetari në facebook.
Sipas tij duhet të ndërhyjë Autoriteti i Konkurences, pasi Urdhri i Stomatologëve nuk ka të drejtë ligjore të fiksojë çmimet. “Urdhëri është një ent publik, që funksionon në baze të ligjit nr 127 i vitit 2014. Në asnjë nen të ligjit, nuk i jepet tagër Urdhrit të fiksojë çmimet e sherbimeve dentare. Dhe nuk ka se si ti jepet sepse paracaktimi i çmimeve është i jashtëligjshem.Ne kemi nje Ligj per Mbrojtjen e Konkurrences, i cili ne nenin 4, thotë se marreveshjet kartel janë kategorikisht të ndaluara”, shpjegon Tomorri.
“Në fakt ligji, nuk është aq i fortë sa duhet. Në rastin e karteleve, ligji parashikon gjobë deri në 10 per qind të xhiros. Por në vendet e zhvilluara, përfshire Shtetet e Bashkuara, kartelet jane veper penale”, shton ai.
/Ri-De
Lexo edhe TABELA ME CMIMET E REJA PER SHERBIMET DENTARE
*Në foto: Nikoll Deda President i USSH
