Pas reagimit të gjithëanshëm për rritjen abuzive të çmimeve për shërbimet dentare ka dalë me një deklaratë Autoriteti i Konkurencës. Kujtojmë se një ditë më parë u bë publik vendimi i Urdhërit të Stomatologëve për të dyfishuar çmimet për një sërë shërbimesh që qytetarët marrin tek dentisti.
Autoriteti i Konkurrencës në një deklaratë për mediat thotë se kemi marrë dijeni për Urdhrin e Stomatologut që ka vendosur çmime dysheme për një kategori të caktuar shërbimesh dentare për: Terapinë, Ortopedinë, Kirurgjinë dhe Ortodoncinë.
“Autoriteti i Konkurrencës do të vlerësojë këtë akt normativ dhe do të shprehet me vendimmarrje nga ana e Komisionit të Konkurrencës nëse ky akt bie në kundërshtim ligjin nr. 9121/2003”, thuhet në njoftim.
Siç kemi raportuar edhe dje çmimet janë dyfishuar për 13 shërbime dentare. Nje mbushje e grades II shkon 40 mijë lekë, ndërsa pastrimi i gurëzave, 30 mijë lekë. Më poshtë lista e plotë e çmimeve dysheme caktuar në mënyrë arbitrare nga Urdhëri i Stomatologut./ Ri-De
