Çmimet e naftës u rritën me më shumë se 1 Dollar për fuçi, pasi grupi OPEC+ vendosi të rrisë prodhimin në korrik me të njëjtën sasi siç bëri në secilin prej dy muajve të mëparshëm.
Nafta në bursën e Londrës u rrit me 1.46 Dollarë, ose 2.33%, duke arritur në 64.24 Dollarë për fuçi, ndërsa ajo në bursën amerikane u rrit me 1.66 Dollarë, ose 2.73% duke arritur në 62.45 Dollarë për fuçi.
Organizata e Vendeve Eksportuese të Naftës dhe aleatët e tyre vendosën të rrisin prodhimin me 411 mijë fuçi në ditë në korrik.
“Motivi kryesor është në ndëshkimin e anëtarëve të OPEC+ si Iraku dhe Kazakistani, të cilët kanë prodhuar vazhdimisht mbi kuotat e tyre të premtuara”, ka bërë të ditur OPEC+.
Kazakistani e ka informuar OPEC-un se nuk ka plan të zvogëlojë prodhimin e naftës. Vendet e OPEC + fillimisht kishin planifikuar të rrisnin prodhimin me 134 mijë fuçi në ditë në korrik. Megjithatë, grupi e ndryshoi strategjinë e tij, duke përmendur “një perspektivë të qëndrueshme ekonomike globale.” Deklarata gjithashtu vuri në dukje se rritjet graduale mund të ndalen ose të përmbysen në varësi të kushteve në zhvillim të tregut.
Çmimet e naftës ranë në nivelin më të ulët katërvjeçar në prill, nën 60 Dollarë ndërsa tarifat e Presidentit të SHBA-ve, Donald Trump, ngritën shqetësime. Kërkesa globale për naftë pritet të rritet me një mesatare prej 775 mijë fuçish në ditë në vitin 2025, sipas një sondazhi të Reuters. Klan News
