Çmimi i naftës në tregjet ndërkombëtare këtë të hënë shënoi një rritje të ndjeshme, teksa vlera e një fuçie naftë të papërpunuar kapërceu në 111 dollarë.
Bursat ndërkombëtare u hapën me vlera që fillonin nga 108 dollarë për fuçi, por më pas çmimi kapi vlerën e 111 dollarëve, duke pësuar një rritje me afro 5 për qind krahasuar kjo me një ditë më parë.
Këtë javë çmimi i naftës në tregjet ndërkombëtare ka pësuar luhatje të mëdha siç mund të shihet edhe në këtë grafik .
Në datën 16 Mars, pra 5 ditë më parë çmimi për fuci ishte 95 dollarë, rreth 15 dollar më pak.
Ndërsa duke filluar që nga 17 Marsi çmimi i naftës ka qenë çdo ditë në trend rritës.
Çmimi i naftës shënoi një rritje të ndjeshme në tregjet globale pas nisjes së konfliktit të armatosur mes Rusisë dhe Ukrainës.
Vendet e Unionit kanë vijuar të kërkojnë për burime alternative të energjisë në përpjekje për ti dhënë një zgjidhje krizës. Por prodhuesit kryesore te naftës shtetet Arabe të Gjirit deri më tani i kanë rezistuar presionit për të nxjerrë më shumë naftë bruto për të ndikuar në uljen e çmimeve të naftës./ Tv Klan
