170 persona kanë humbur jetën nga koronavirusi në Kinë, ndërsa numri i të infektuarve ka shkuar 7700. Ky është bilanci i aktual sipas Autoritetet shëndetësore në Kinë. Ndërkohë, persona të prekur nga koronavirusi janë raportuar dhe në 16 vende të tjera të botës.
Koronavirusi, që është një familje e gjerë virusesh, është shfaqur për herë të parë në dhjetor të vitit të kaluar në qytetin Wuhan të Kinës. Organizata Botërore e Shëndetësisë (OBSH) takohet sot për të vendosur nëse ky koronavirus përbën emergjencë globale shëndetësore ose jo.
“Në ditët e fundit, përparimi i virusit sidomos në disa vende dhe transmetimi i tij nga njeriu në njeri përbëjnë shqetësime për ne. Edhe pse numri i rasteve jashtë Kinës është ende relativisht i vogël, ai ka potencial të rritet edhe më shumë”,- tha drejtori i përgithshëm i OBSH-së, Tedros Adhanom Ghebreyesus.
Koronavirusi mund të shkaktojë sëmundje nga ftohja e zakonshme deri te SARS-i, i cili shkaktoi vdekjen e mbi 700 personave gjatë viteve 2002-2003./ Opinion.al
