Ka shkuar në 132 numri i personave që kanë humbur jetën nga koronavirusi, ndërsa raportohet se 5974 persona të tjerë janë të infektuar.
Ndërkohë, autoriteti shëndetësor kinez është shorehur se rreth 9,200 raste të dyshuara të sëmundjes së frymëmarrjes po monitorohen. Dhjetëra raste janë konfirmuar edhe jashtë territorit të Kinës, përfshirë në Evropë, Amerikën e Veriut dhe në disa vende të Azisë.
Qindra shtetas të huaj janë evakuuar nga qyteti kinez Ëuhan, qendra e shpërthimit të koronavirusit. Australia planifikon të fuse ne karantine 600 qytetarët e saj të kthyer nga pushimet ne keto zona. Japonia, SH.B.A dhe BE gjithashtu po riatdhesojnë qytetarët e tyre.
Një ekspert nga Komisioni Kombëtar i Shëndetit Kinez (NHC) tha se mund të duhen edhe 10 ditë të tjera për të arritur kulmin. Numri i përgjithshëm i rasteve të konfirmuara tani tejkalon atë të SARS-it, një tjetër sëmundje e organeve të frymëmarrjes që vrau më shumë se 600 njerëz në të gjithë botën më 2002-2003.
Simptomat e llojit të ri të koronavirusit përfshijnë ethe, kollë dhe pengesa në frymëmarrje. Autoritetet kanë mbyllur qasjen në 17 qytete në provincën Hubei, ku besohet të jetë origjina e virusit.
Të huajt kanë filluar të largohen nga krahina e goditur nga virusi ku janë bllokuar më shumë se 50 milionë njerëz. Organizata Botërore e Shëndetit e ka njohur shpërthimin e virusit si një emergjencë kombëtare, por ende nuk e ka shpallur atë si një emergjencë ndërkombëtare./ Opinion.al
