Është rritur numri i viktimave nga COVID-19 në 24 orët e fundit në Itali. Autoritetet bëjnë me dije 627 persona kanë humbur jetën nga COVID-19, ndërsa janë konfirmuar 13 708 raste të reja.
Krahasuar me një ditë më parë sipas autoriteteve shëndetësore vihet re një rritje e numrit të viktimave dhe e rasteve të reja.
Gjithashtu gjatë orëve të fundit janë shëruar 20 927 persona. Nga fillimi i pandemisë e deri më tani numri i të infektuarve me Covid ka shkuar në 3,700,393 mes të cilëve kanë humbur jetën 112,374 qytetarë./ Opinion.al
