68 të vdekur dhe gati 7000 njerëz të evakuuar është bilanci tragjik i përmbytjeve, rrëshqitjeve të dherave dhe baltës; shkaktuar nga një tornado që goditi ishullin indonezian të Sulawesit javën e kaluar.
Ekipet e shpëtimit vazhdojnë të jenë në kërkim të shtatë personave të zhdukur, ndërsa 47 të tjerë u plagosën si pasojë e shkatërrimit të një dige- tha Sutopo Purwo Nugroho, zëdhënës i Agjencisë së Minimizimit të Pasojave të Indonezisë.
Ai tha se më shumë se 5000 shtëpi janë përmbytur, dhjetra ura, shkolla dhe vende të shenjta janë shkatërruar, si dhe mijëra hektarë të mbjellura me oriz.
Disa njerëz që kishin braktisur vendbanimet e tyre si pasojë e përmbytjeve kanë filluar të kthehen në shtëpi, pavarësisht se autoritetet me ndihmën e makinerive të rënda duhet të pastrojnë një baltë të madhe që ka rrethuar shtëpitë dhe rrugët.
Shumë të tjerë kanë preferuar të qëndrojnë në kampet e hapura të emergjencës- tha Nugroho- duke shtuar se kishte nevojë urgjente për batanije, ushqime dhe shërbime mjekësore.
Tornado që goditi Sulawesin jugor javën e kaluar, ishte shtrirë edhe në Makassar, kryeqytetin e provincës./Rel.d/
