Lundrimi i trageteve nga Durrësi drejt Barit dhe anasjelltas është pezulluar për shkak të motit të keq, që ka shkaktuar dallgëzim të lartë në det.
Autoriteti portual bën me dije se bëhet fjalë për tragetet Adria Ferries dhe GNV, të cilat kanë anuluar lundrimet për shkak të detit me dallgë 7 deri në 8 ballë.
Trageti Rigel VII është nisur nga Durrësi për në Bari rreth orës 13:05 të ditës së sotme, 10 orë para nisjes së zakonshme që bëhet në orën 23:00.
Ndërkohë peshkarexhat dhe anijet e tonazhit të vogël kanë anulluar lundrimet që në drekë, për shkak të kushteve të vështira atmosferike./Opinion.al
