Maqedonia e Veriut ka regjistruar në 24 orët e fundit edhe pesë viktima të reja nga Covid 19, ka bërë të ditur Ministri i Shëndetësisë, Venko Filipçe.
Viktimat janë: tre nga Shkupi, të moshës 59, 60 dhe 64-vjeçare dhe dy tjerë të moshës 72-vjeçare nga Gostivari dhe Prilepi.
Numri i përgjithshëm i viktimave, si pasojë e sëmundjes Covid-19, në Maqedoninë e Veriut, ka arritur në 169, 46 prej të cilëve nga Shkupi.
Nga 971 testime në 24 orët e fundit, me koronavirus janë regjistruar 175 raste të reja, prej tyre 131 në Shkup, 24 në Kumanovë ndërsa në tetë qytete tjera numri i të infektuarve është më i ulët se dhjetë.
Aktualisht, rreth 80 persona janë të shtruar në spital.
Sipas të dhënave të fundit, numri i personave të infektuar është më i lartë sesa i të shëruarve.
Që nga fillimi i pandemisë, në Maqedoninë e Veriut janë testuar 40,004 persona dhe prej tyre 3,538 kanë rezultuar pozitivë me Covid-19. /Opinion.al
