Ishulli Grek i Lesbos i’u shtua të dielën listës së zonave të kuqe për situatën Covid-19, thanë zyrtarët.
Masa erdhi ndërsa autoritetet shëndetësore njoftuan një numër të lartë rastesh ditore, 284 në të gjithë vendin në 24 orët e fundit.
Autoriteti i mbrojtjes civile e vendosi ishullin e Egjeut në një listë me një duzinë zonash të tjera, përfshirë Athinën, Selanikun dhe disa ishuj turistikë, me gjendje alarmante të pandemisë.
Nga e hëna deri më 1 shtator, restorantet dhe baret në Lesbos duhet të mbyllen në mesnatë dhe tubimet në natyrë janë të kufizuara në 50 persona, përveç rasteve kur zbatohen rregullat e distancës sociale.
Kampet e emigrantëve në ishull tashmë kanë qenë nën bllokim që nga marsi deri në fund të gushtit.
Greqia deri më tani ka regjistruar mbi 8.600 raste dhe 242 vdekje nga koronavirusi. /Opinion.al
