Ministria e Shëndetësisë ka deklaruar sot se në dy spitalet COVID aktualisht po marrin shërbim 40 pacientë.
Ministria njofton se ka një numër të qëndrueshëm të të shtruarve në spitale dhe në terapinë intensive.
Konkretisht, në shërbimin Infektiv aktualisht janë të shtruar 32 persona , 4 nga të cilët në terapi intensive, dhe nga të cilët 1 është i intubuar.
Po ashtu, njoftohet se aktualisht në spitalin COVID 2 “Shefqet Ndroqi”, i cili do të ndjekë rastet e rënda me insufiçencë respiratore covid pozitiv, janë 8 pacientë të shtruar, 4 prej të cilëve pacientë janë në terapi intensive, nga të cilët 2 pacientë janë të intubuar.
Sakaq, 34 raste të reja me Covid-19 u zbuluan në 24 orët e fundit. Deri në këto momente në Shqipëri raportohen 712 persona të prekur me virusin e ri, ndërkohë që 27 prej tyre kanë humbur jetën./Opinion.al
