Sekretari i përgjithshëm i NATO-s, Jens Stoltenberg, përmes një postimi në rrjetin social “Twitter” bëri të ditur se aleatët e NATO-s do e rrisin mbështetjen për Ukrainën.
Ai shkroi se do të dërgohen në Ukrainë raketa të mbrojtjes ajrore, me armë antitank, si dhe me ndihma humanitare dhe financiare.
Stoltenberg tha se ka biseduar me presidentin e Ukrainës, Volodymyr Zelensky, dhe se e ka përgëzuar atë për trimërinë e popullit dhe të forcave të armatosura të Ukrainës.
Një ditë më parë, BE njoftoi se do të financojë armatimin e Ukrainës, për ta ndihmuar atë që të mbrohet kundër pushtimit rus.
“Sapo fola me Presidentin Zelensky dhe e përgëzoi për trimërinë e popullit dhe forcave të armatosura të Ukrainës. Aleatët e NATO-s po rrisin mbështetjen me raketa të mbrojtjes ajrore, armë antitank, si dhe ndihma humanitare dhe financiare”-shkruan Stoltenberg./Opinion.al
I just spoke with President @ZelenskyyUa & commended him for the bravery of the people & armed forces of #Ukraine. #NATO Allies are stepping up support with air-defence missiles, anti-tank weapons, as well as humanitarian & financial aid.
— Jens Stoltenberg (@jensstoltenberg) February 28, 2022
