Një ngjarje e rëndë ka ndodhur në Pejë, ku një burrë është përleshur me gruan dhe vjehrrën e më pas i ka vënë flaken shtëpisë. Nga raporti 24-orësh i Policisë së Kosovës, është bërë e ditur se të enjten në Pejë, një mashkull është përplasur fizikisht me gruan dhe vjehrrën e më pas i ka vënë zjarrin shtëpisë ndërkohë që ato ndodheshin brenda.
“Është arrestuar i dyshuari mashkull, K-shqiptar pas një mosmarrëveshje me dy femra K-Shqiptare (bashkëshorten e vet dhe vjehrrën e tij) janë përleshur në mes tyre duke i shkaktuar lëndime njërit-tjetrit, dhe pastaj i dyshuari i kishte vënë zjarrin shtëpisë ndërkohë që gruaja dhe vjehrra ishin brenda saj”
Sipas policisë, njësitet policore dhe zjarrfikësit kanë shkuar në vend ngjarje dhe kanë lokalizuar zjarrin edhe pse janë shkaktuar dëme të konsiderueshme.
Me vendim të prokurorit, i dyshuari është dërguar në qeli.
