Të premten e kaluar në Walenstadt është rrahur dhe keqtrajtuar një dymbëdhjetë vjeçar shqiptar nga një grup nxënësish. Ngjarja është regjistruar gjatë orëve të pushimit, ndërsa nxënësi i klasës së pestë ka pasur lëndime të rënda në kokë, duke u dërguar në spitalin Chur.
“Është e pakuptueshme ajo çfarë ka ndodhur me djalin tim. Asnjëri nga nxënësit që e kanë rrahur nuk është dënuar dhe vazhdojnë të shkojnë rregullisht në shkollë,” thotë babai i nxënësit shqiptar, njofton suedostschweiz.ch. “Asnjëri nuk na është paraqitur të na kërkojë falje.”
Policia e Kantonit të St Gallen e ka konfirmuar rastin dhe po punon për zbardhjen e tërësishme të ngjarjes, ndërsa babai tregon se djali është rrahur pa arsye.
Në intervistën e djalit dymbëdhjetëvjeçar, përkundër daljes nga spitali ndien dhimbje në trup dhe çfarë është më dramatike, akoma ka frikë kur shkon në shkollë.
“Kur shkoj në shkollë ata që më kërcënuan qeshin me mua,” përfundon deklaratën nxënësi nga Zvicra.
