Një 17-vjeçar ka mbetur i plagosur pasi është rrëzuar nga një ndërtesë teksa ishte duke punuar. Policia bën me dije se i riu është paraqitur në spital për të marrë ndihmë mjekësore, pasi kishte pësuar dëmtime të shumta.
Nga hetimet e deritanishme bëhet me dije se adoleshenti ka qenë duke kryer disa punime hidraulike në një godinë në Ksamil.
I riu me iniciale K. K., do të dërgohet në spitalin e Traumës, për ndihmë mjekësore më të specializuar. Ndërkohë për ngjarje është ngritur një grup hetimor për zbardhjen e saj.
