Një turist zviceran është aksidentuar duke udhëtuar me motor në rrugën nacionale Skuraj – Burrel në vendin e quajtur Bushkash. Burime nga policia bëjnë të ditur se duke drejtuar motorin ai është rrëzuar dhe është dëmtuar rëndë.
Ai është transportuar menjëherë në spitalin e Burrelit i ndihmuar nga grupi i turistëve me të cilët po udhëtonte.
Burime nga spitali thonë se gjendja e tij është e rëndë pasi dyshohet se ka dëmtuar shtyllën kurrizore. I dëmtuari pritet të transportohet për në Spitalin e Traumës në Tiranë. /Opinion.al
