Një helikopter turistik me 16 persona në bord është rrëzuar në një liqen në Lindjen e Largët të Rusisë.
BBC raporton se në bord ndodheshin trembëdhjetë turistë, përfshirë një fëmijë dhe tre ekuipazh kur helikopteri Mi-8 u rrëzua dhe u mbyt në Liqenin Kuril në Gadishullin Kamchatka. Po ashtu raportohet se 8 persona kanë mundur të mbijetojnë, ndërsa 8 personat e tjerë, përfshirë gra e fëmijë, janë ende të zhdukur.
Shpëtimtarët dhe zhytësit e ministrisë së emergjencave janë dërguar në zonë për të kërkuar ata që ende nuk janë gjetur.
Raportohet se helikopteri që i përket kompanisë Vityaz-Aero ka rënë në një thellësi prej 100 metrash (330 këmbë) në liqen.
Sipas informacioneve paraprake, helikopteri po udhëtonte nga fshati Nikolayevka drejt Liqenit Kuril dhe vullkanit Khodutka kur u rrëzua, tha ministria e emergjencave.
Mi -8 – një helikopter mesatar me dy turbina – mbante turistë nga Moska dhe Shën Petersburg, raportoi agjencia ruse e lajmeve RIA./Opinion.al
