Rrëzohet me 65 vota kundër ngritja e Komisionit Hetimor për Portin e Durrësit.
Kërkesa për ngritjen e Komisionit Hetimor u bë nga opozita, e cila kërkoi hetimin e marrëveshjes 2 miliardë dollarë në lidhje me Portin e Durrësit.
Sipas kryeparlamentares Nikolla, ngritja e komisionit nuk mundi të miratohej pasi kishte vetëm 7 vota pro, dhe 65 kundër.
“Ky akt kërkon shumicë të thjeshtë votash, mbyllet votimi. 7 pro asnjë abstenim dhe 65 kundër dhe këtu mbyllet seanca”, tha Nikolla.
Ndërkohë deputeti demokrat Oerd Bylykbashi ka reaguar i revoltuar pas rrëzimit të kësaj kërkese.
Bylykbashi gjatë fjalës së tij në Kuvend u shpreh se sot është shkelur Kushtetuta e Shqipërisë, për shkak se është detyrim të mbahet Komision Hetimor në momentin që janë 35 firma të deputetëve.
