Një shqiptar ka humbur jetën tragjikisht në autostradën A1 Milano-Napoli, në Parma, pasi kamioni që drejtonte u përmbys në anë.
67-vjeçari, identiteti i të cilit nuk është bërë publik, ka gjetur vdekjen e menjëhershme. Mësohet se ai transportonte me kamion materiale plastike, një pjesë e mirë e së cilave u përhap në rrugë duke paralizuar qarkullimin dhe duke shkaktuar kaos.
Policia po heton për shkaqet e plota të aksidentit tragjik, si pasojë e të cilit, autostrada mbeti e bllokuar për disa orë./Opinion.al
