Një helikopter është rrëzuar mëngjesin e sotëm pranë një kopshti fëmijësh në lindje të kryeqytetit ukrainas, Kievit.
Për pasojë 18 persona kanë humbur jetën, mes tyre tre fëmijë dhe ministri i Brendshëm i Ukrainës, Denys Monastyrskyi.
Përveç ministrit të Brendshëm ukrainës, humbën jetën edhe zëvendësi i tij dhe sekretari i shtetit, thanë zyrtarët.
Shefi i policisë kombëtare Ihor Klymenko shkroi në Facebook se helikopteri i përkiste shërbimit të emergjencës shtetërore të Ukrainës.
Kreu i administratës ushtarake rajonale të Kievit, Oleksiy Kuleba, tha se tragjedia në Brovary kishte lënë 29 të plagosur dhe 18 të vdekur.
Ishte errësirë dhe mjegull në momentin kur helikopteri u rrëzua dhe raportet fillestare sugjerojnë se helikopteri goditi kopshtin përpara se të rrëzohej pranë një ndërtese banimi.
Pas përplasjes një zjarr shpërtheu pranë kopshtit dhe fëmijët dhe stafi i kopshtit u zhvendosën nga ndërtesa.
Mbetjet nga helikopteri ishin të dukshme jashtë një ndërtese të djegur.
Dy figura të tjera të larta nga ministria e brendshme u vranë së bashku me z. Monastyrsky. Yevgeny Yenin ishte zëvendësministër i parë ndërsa Yuriy Lubkovich ishte sekretar i shtetit./Opinion.al
.
