Një aeroplan trajnues u rrëzua në një zonë banimi në provincën veriperëndimore të Bursës në Turqi të hënën. Mediat turke shkruajnë se në aksident humbën jetën instruktori i fluturimit dhe piloti praktikant.
Sipas mediave turke, avioni me një motor u rrëzua në një zonë me ndërtesa të shumta banimi, por nuk pati raportime për viktima në terren.
Zjarrfikësit ishin në vendngjarje, ndërsa flakët shpërthyen pak pasi avioni u rrëzua.
Në vendngjarje kanë qenë edhe oficerët e policisë dhe personeli i Autoritetit të Menaxhimit të Fatkeqësive dhe Emergjencave (AFAD)./Opinion.al
