Një aeroplan në Kazakistan me 95 pasagjerë dhe 5 anëtarë bordi është rrëzuar pas nisjes nga aeroporti i Almatit, duke lënë të vdekur 15 persona.
Zyrtarët janë shprehur se 66 persona janë dërguar në spital, duke përfshirë disa në gjendje të rëndë shëndetësore.
Autoritetet e aviacionit kanë thënë se pajisja “nuk ka arritur lartësinë e duhur gjatë nisjes dhe është përplasur me një beton para se të ndeshej me një ndërtesë dykatëshe.
Ende nuk dihet nëse ka viktima në ndërtesë. Gjithashtu mësohet se në zonë ka pasur mjegull të madhe. Zyrtarët kanë thënë se aeroplani ishte nisur për Nur-Sultan, qytetin që dikur është njohur si Astana, njëherësh kryeqytetin e Kazakistanit.
Një e mbijetuar nga aeroplani është shprehur se ajo ka dëgjuar “tinguj të tmerrshëm” para se aeroplani të rrëzohej. “Gjithçka ka qenë si film: njerëzit duke bërtitur dhe duke qarë”, -ka thënë ajo./Opinion.al/
