Një avion pasagjerësh që po udhëtonte për në Londër është rrëzuar menjëherë pas ngritjes në Ahmedabad, në Indinë perëndimore. Sipas raportimeve nga mediat e huaja, mësohet se nga ky aksident ajror kanë mbetur të vdekur mbi 200 shtetas. Ndërsa deri më tani, raportohet për një të mbijetuar.
I mbijetuari u gjet në sediljen 11A të kabinës “dhe po merr trajtim mjekësor në spital”, tha shefi i policisë së Ahmedabad.
Duke folur për agjencinë indiane të lajmeve ANI, Malik tha se i mbijetuari “ka qenë në spital dhe është nën trajtim”.
Autoritetet thonë se pasagjeri ishte Vishwash Kumar Ramesh dhe se ai është britanik.
Po ashtu, mediat indiane citojnë se kanë folur me Vishwash në spital. Ai ndau kartën e tij të imbarkimit ku tregohej emri i tij dhe numri i vendit 11A.
Ata raportuan duke thënë: “Tridhjetë sekonda pas ngritjes, pati një zhurmë të fortë dhe pastaj aeroplani u rrëzua. E gjitha ndodhi kaq shpejt.”
