Skandalet me ish-partnerin e yllit televiziv Khloe Kardashian, basketbollistin Tristan Thompson vijojnë. Gjatë këtyre ditëve u publikuan disa dokumente ku ish e dashura e tij, nëna e të birit, Jordan Craig është shprehur se zbulimi që Tristan po e tradhtonte me Khloen i ka rrezikuar shtatzëninë.
Ndonëse ajo nuk i referohet yllit televiziv me emër, periudhë përkon me kohën kur ata janë njohur. Kjo ka bërë që Khloe të mos qëndrojë e heshtur, por të bëjë një postim të gjatë në rrjete sociale ku shkruan se nuk ka qenë në dijeni që Tristan ka qenë i lidhur në atë kohë.
“Jam e zhgënjyer që duhet ta them këtë, por kjo është e vërteta. U njoha me Tristan nëpërmjet disa miqve të përbashkët. Pas disa takimesh, Tristan më tha se kishte një ish-të dashur që ishte shtatzënë. Sigurisht, unë nuk isha më e sigurt për vazhdimin e takimeve tona, apo krijimit të një lidhjeje. Ai më tha se kjo lidhje ishte shumë më përpara se të njiheshim ne. Ai më njohu me rrethin e tij më të ngushtë dhe më bëri të bisedoja me avokatët e tij për të më bindur për fjalët e tij. Miqtë e tij, kolegët dhe madje mamaja e tij më tha se ishin ndarë shumë më përpara se të njiheshim bashkë. Kjo është e vërteta ime. Nëse kjo nuk del kështu, atëherë më vjen keq që miqtë e tij do gënjenin për këtë. Kjo është ajo që më është thënë dhe unë e kam besuar. Më vjen keq për çdo dhimbje të shkaktuar, asnjë femër nuk meriton të përjetojë diçka të tillë”,-ka shkruar Khloe.
Pas këtij postimi nuk ka patur reagim nga Tristan apo nga ish-partnerja e tij./Opinion.al/
