Bota

Rrezikoheshin disa vende, bien mbetjet e raketës kineze, kë vend prekën


Bëhu pjesë e Grupit Zyrtar të Opinion.al
>> KËTU <<
               Publikuar në : 08:46 - 09/05/21 |
Opi Nion

Mbetjet e raketës së madhe kineze kanë rënë në oqeanin Indian të Dielën, me shumicën e mbetjeve të djegura në atmosferë, duke i dhënë fund ditëve të spekulimeve se ku do të binin mbeturinat.

Koordinatat e dhëna nga media shtetërore kineze, duke cituar Zyrën e Inxhinierisë Hapësinore të Drejtuar nga Kina, tregojnë se raketa ka rënë në oqean, në perëndim të arkipelagut të Maldiveve.

Shumica e mbetjeve u dogjën në atmosferë, ndërsa pjesë të bërthamës 30 metra të raketës së Long March 5B ri-hynë në atmosferë në orës 2.24  me orën e Pekinit dhe u ulën në një vend me koordinatat me gjatësi 72.47 gradë në lindje dhe gjerësi 2.65 gradë në veri.

Autoritetet përkatëse në SHBA dhe Evropë po monitoronin rënien e pakontrolluar të raketës Long March-5b. Ndërkohë në orët e fundit nga ekspertët thuhej se mbeturinat mund të binin në një zonë të banuar, mes të cilave rezikoheshin shtete si New York-u, Afrika, Australia, Japonina, Spanja, Portugalia, Italia dhe Greqia.

Komanda Hapësinore e SHBA-së përmes një deklarate konfirmoi se raketa Long March-5b kishte rënë pranë Gadishullit Arabik. “Kombet duhet të minimizojnë rreziqet për njerëzit dhe tokën, sa i takon ri-hyrjeve të objekteve hapësinore dhe të maksimizojnë transparencën në lidhje me ato operacione,” tha administratori i NASA Bill Nelson, një ish senator dhe astronaut.

Prej disa ditësh shumë vende të botës kaluan në gjendje gatishmërie pasi trajektorja e pasaktë e raketës mund të godiste dhe zona të qytetëruara.

Raketa Long March 5B u nis nga ishulli kinez i Hainan më 29 prill dhe transportonte modulin Tianhe, i cili kishte furnizime për ekuipazhin kinez në stacionin hapësinor./Opinion.al

 

Pas