Vazhdon prej disa orësh aksioni i policisë për arrestimin e personit të armatosur që po lufton me forcat speciale. Rreth dy orë më parë ai qëlloi për vdekje efektivin e FNSH-së, 50 vjeçarin, Ardian Kodra nga Shkodra. Aktualisht në vendin e ngjarjes kanë mbërritur perforcime nga forcat e RENEA-s. Nga gazetarët në vendin e ngjarjes mësojnë se është zgjeruar perimetri i sigurisë. Janë larguar të gjithë banorët që kanë shtëpitë afër me personin e armatosur David Qosja. Forcat RENEA i bëjnë thirrje agresorit të dorëzohet. Ai herë pas herë qëllon me automatik dhe kundërshton të dorëzohet. Policia edhe mund të ndërhyjë për eliminimin fizik në rast se nuk arrihet të neutralizohet.
David Qosja njihet si person me probleme mendore në fshatin e Torrovicës. mëngjesin e sotëm ai i kishte vënë flakën pyllit dhe më pas me automatik në dotë kishte qëlluar nëpër fshat. Banorët të terrorizuar kanë lajmëruar policinë. Gjatë aksionit për neutralizimin e tij në banesë ku është fshehur mbeti i vrarë efektivi i RENEA-s.
*Foto 1: Personi i armatosur David Qosja
*Foto 2: Efektivi i vrarë në krye të detyrës, Ardian Kodra
