Gjykata e Tiranës ka vendosur konfiskimin e pasurive të Alda Klosit, ish-zyrtares që u dënua për mosdeklarim të pasurive dhe bashkëshortit të saj. Ajo aktualisht e ka shlyer dënimin me 1 vit e 8 muaj burg, por vijojnë hetimet për pastrim parash pasi nuk është gjetur ende burimi i 500 mijë eurove që ajo mbante në banesë.
“Nga analiza e fakteve dhe e dokumentacionit të administruar rezulton se pasuritë e paluajtshme të llojit apartament dhe garazh, që zotërohen nga ajo dhe nga personi i lidhur, janë pasuri të pajustifikuara nga të ardhurat e ligjshme. Këto pasuri të paluajtshme janë fshehur dhe nuk janë deklaruar në deklaratat e ILDKPI nga personi i hetuar Alda Klosi”, njoftoi prokuroria.
Prokuroria thotë se u ka konfiskuar:
-Shumën monetare 368.000 Lekë, 15.600 Dollarë amerikan, 462.950,00 Euro, sekuestruar për llogari të procedimit penal nr. 9220/2022 dhe arkëtuar në llogarinë e Prokurorisë në 10.01.2023;
– Apartament me sipërfaqe 85.09 m2 të shfrytëzueshme me numër pasurie 6/572+1-35, ZK 8210, Vol. 42,Fq 127 pasuri e ndodhur në Tiranë, në pronësi të shtetasit A.K.; dhe
-Garazh me sipërfaqe 14.06 m2 të shfrytëzueshme, pasuri e ndodhur në Tiranë, në pronësi të shtetasit A.K.
