Përplasjet e përgjakshme midis militantëve palestinezë dhe ushtrisë izraelite vazhdojnë ende.
Deri më tani raportohet se të paktën 35 palestinezë, përfshirë 10 fëmijë dhe pesë izraelitë janë vrarë, sipas zyrtarëve të Shëndetësisë.
Sipas mediave të huaja bëhet me dije se militantët palestinezë kanë hedhur rreth 130 raketa në Tel Aviv të Izraelit pasi autoritetet ushtarake izraelite shkatërruan një ndërtesë në Rripin e Gazës.
Komuniteti ndërkombëtar dhe shtetet më të fuqishme u kanë kërkuar të dyja palëve t’i japin fund konflikteve që kanë vazhduar për ditë me radhë mes dy vendeve dhe kanë lënë një numër të lartë personash të vdekur.
Ndërkohë bëhet me dije se Izraeli ka shpallur gjendjen e jashtëzakonshme në qytetin qendror të Lod pas trazirave nga palestinezët, pas intensifikimit të konfliktit mes palëve.
Makinat u ndezën dhe 12 njerëz u raportuan të plagosur në përplasjet që kryetari i bashkisë Lod u krahasua me një luftë civile. Militantët palestinezë hodhën qindra raketa në Izrael, ndërsa Izraeli kreu sulme të mëdha ajrore në Gaza.
Luftimet erdhën pas disa javësh tensionesh në rritje që u nxitën nga konfrontimet e dhunshme midis policisë izraelite dhe protestuesve palestinezë në një vend në Jeruzalem.
