Moti i keq në malet e veriut të Italisë shkaktoi rëshqitje masive dherash, duke mbuluar një pjesë të një qyteze pranë Torinos.
Sipas mediave të huaja, mësohet se veç dëmeve materiale, për fat të mirë kjo situatë nuk solli pasoja në jetë njerëzish.
Ekuipazhet po pastrojnë rrugët në qytete, të cilat u përmbytën nga rrëshqitjet e dherave pasi një përrua malor shpërtheu pas shiut të dendur.
Ekipet e shpëtimit kanë qenë gjithashtu në kërkim të personave të zhdukur.
Guvernatori rajonal i Piemontes, Alberto Cirio tha se nuk kishte viktima dhe se pesë persona që fillimisht besohej se ishin të zhdukur tashmë janë gjetur.
Në një postim në Facebook, ai tha se dëmi ishte i konsiderueshëm dhe se tashmë kishte kërkuar ndihmë nga qeveria kombëtare.
Në një postim në mediat sociale, zjarrfikësit thanë se ekuipazhet kishin shpëtuar gjashtë persona nga një kamping i përmbysur gjatë natës.
Autoritetet thanë se bëhet fjalë për një rast të rrallë të rëshqitjeve të tokës, që është pasojë e ngrohjes globale pasi reshjet që dikur binin në formë dëbore të dendur në lartësi, tani janë shndërruar në rebeshe shiu./Opinion.al
