Policia e Durrësit ka shpallur në kërkim dy persona për pengmarrjen e vëllezërve Indrit dhe Gentian Beqiraj në autostradën Durrës-Tiranë.
Ndërkohë është mësuar identiteti i njërit prej tyre. Sipas News24, bëhet fjalë për shtetasin Agron Bejdolli, i cili kishte një lidhje të ngushtë me Aleksander Lahon alias Pëllumb Muharremit i njohur me pseudonimin “Rrumi”.
Kujtojmë se në 1 nëntor 2019 ndaj makinës ku po udhëtonte prokurori Arjan Ndoja, shoferi i tij, Andi Maloku Aleksandër Laho , ra pre e një atentati me breshëri kallashnikovi. Si pasojë ndërroi jetë shoferi i prokurorit, Andi Maloku.
Sakaq, policia më herët bëri me dije se vëllezërit Indrit dhe Gentian Beqiraj u konfliktuan në autostradë me Bejdollin. Ata duke udhëtuar me motor, dyshohet se janë përfshirë në një incident rrugor, pasi një automjet ka goditur motorin e tyre, i cili për pasojë ka dalë nga rruga.
Në konflikt e sipër, personat që ishin në automjet kanë marrë njërin prej vëllezërve, Indrit Beqiraj të cilin e kanë lënë në rrugë, larg nga vendi i konfliktit, dhe më pas janë larguar.
Ndërkohë policia po punon për zbardhjen e plotë të rrethanave të ngjarjes si dhe për të zbuluar nëse personat e përfshirë në konflikt kanë lidhje dhe me ngjarje të tjera./Opinion.al
