Gjykata e Rrethit Gjyqësor Dibër ka shpallur moskompetencën për hetimin e çështjes së vrasjes së 23-vjeçarit Renis Dobra dhe ka vendosur transferimin e dosjes në Prokurorinë e Posaçme kundër Korrupsionit dhe Krimit të Organizuar.
Vendimi u mor gjatë seancës së zhvilluar ditën e sotme, ku gjithashtu u caktua masa e sigurisë “arrest në burg” për dy vëllezërit Kristi dhe Aleksandër Bushgjokaj, të dyshuar për përfshirje direkte në ngjarje.
Hetimet për vrasjen e Dobrës kanë çuar deri më tani në ndalimin e katër personave. Më herët janë arrestuar edhe Fatjon Bushgjokaj dhe Petrit Çakrri.
Ngjarja tronditi opinionin publik, ndërsa hetimet pritet të zbulojnë motivet dhe autorët që e privuan nga jeta Renis Dobrën.
