Gjykata e Krimeve të Rënda ka dënuar sot me “burgim të përjetshëm” shtetasin Denis Shtraza, i akuzuar për rrëmbimin dhe vrasjen e Gazmend Çollakut në janar të 2016.
Shtraza së bashku me ish-efektivin e policisë Ervin Dalipaj kanë rrëmbyer dhe më pas kanë ekzekutuar në Durrës Gazmend Çollaku. Viktima u gjend i lidhur dhe i vrarë në Muriqan të Krujës. Shtetasi Ervin Dalipaj është ekzekutuar në janar të 2017 në një atentat në Durrës.
Ngjarja:
Në janar të 2016 një ngjarje e rëndë tronditi qytetin e Durrësit. Ervin Dalipaj dhe Deniz Shtraza në bashkëpunim midis tyre dhe në bashkëpunim dhe me dy persona të tjerë, ende të paidentifikuar, kanë rrëmbyen shtetasin Laert (Gazmend) Çollaku, duke e lidhur në këmbë dhe duar me fasheta të zeza, dhe më pas e kanë transportuar si fillim me një mjet tip Audi, per ne fshatin Murqin te Krujes dhe e kanë vrarë me armë zjarri.
Po ashtu shtetasit nën hetim Ervin Dalipaj në datën 06/01/2016 reth orës 23 :40 kur është shoqëruar nga Policia e Durrësit i është gjetur dhe sekuestruar një një dokument me nr. xxxxx i lëshuar nga Drejtoria e Policisë Tiranë dhe një stemë metalike me mbishkrimin « Policia » të cilat i mbante pa lejen e organeve kompetente. Ky shtetas ka qenë punonjës i policisë nga viti 2000 deri në vitin 2012 kur është liruar nga detyra.
Mendohet se shkak për vrasjen e Çollakut është bërë një konflikt mes tij dhe Denis Shtrazës në vitin 2013, ku viktima dyshohet se ka tentuar të ekzutojë atentatorin. I dyshuari tjetër në lidhje me këtë ngjarje Ervis Dalipaj, u ekzekutua pranë mbikalimit të Sukthit më 25 prill të vitit 2017.
