Gjykata e Apelit ka marrë vendimin këtë të mërkurë për lirimin nga paraburgimi për Rexhep Gjunin, i cili akuzohej për rrëmbimin e nipit të tij 3-vjeçar.
Apeli ndryshoi masën edhe për Arben Salajn, bashkëpunëtor në krim, nga arresti ne burg ne arrest shtëpie.
Gjuni u arrestua së bashku me Arben Salajn, kunatin e tij, pasi nëna e të miturit denoncoi në polici rrëmbimin e fëmijës së saj nga gjyshërit nga ana e babait.
Bëhet fjalë për ngjarjen e ndodhur në Durrës, ku të dy gjyshërit e 3-vjeçarit mbajtën të fshehur nipin, pasi ata donin ta rrisnin vetë vogëlushin, sepse pas vdekjes së djalit të tyre, 3-vjeçari jetonte me nënën e tij dhe me prindërit e saj.
Ka qenë gjyshja ajo e cila ka dorëzuar në polici të miturin rreth 8 ditë pas rrëmbimit.
