Enti Rregullator i Energjisë ka vendosur që të gjithë abonentët që nuk kanë mundësi të paguajnë në kohë energjinë elektrike, tani e në vazhdim nuk do t’u ndërpritet më energjia elektrike.
Ky vendim do të sanksionohet në një rregullore, ku do të përcaktohen të drejtat e familjeve në ndihmë ekonomike për të pasur energji, pavarësisht faktit nëse mund ta paguajnë atë në kohë ose jo.
Po kështu kjo rregullore do të përcaktojë që OSSHE si furnizuesi me energji, do të mund ti ndërpresë energjinë elektrike familjeve në nevojë, vetëm në rastet kur brenda një viti kalendarik, abonenti nuk ka pranuar asnjë nga programet apo planet e pagesës që i është ofruar nga furnizuesi, ose kur katër muajt e fundit nuk ka pranuar të paguajë energjinë elektrike sipas planit të dakordësuar më herët midis palëve.
Ndërmjet të tjerave, kjo rregullore përcakton se furnizuesi me energji, në këtë rast OSHEE, nuk mund të ndërpresë energjinë elektrike për këtë kategori, përveçse kur brenda 1 viti kalendarik, abonenti nuk ka pranuar asnjë nga programet apo planet e pagesës që i është ofruar nga furnizuesi, apo kur në 4 muajt e fundit ai nuk ka pranuar të paguajë energjinë elektrike sipas planit të rënë më parë dakord. D.l
