Elon Musk, pronari i platformës së mediave sociale X, po konsideron heqjen e shërbimit të quajtur më parë Twitter nga Evropa në përgjigje të një rregullimi të ri të platformës së internetit në rajon.
Mediat e huaja shkruajnë se miliarderi kishte diskutuar për heqjen e disponueshmërisë së aplikacionit në rajon ose bllokimin e përdoruesve në Bashkimin Evropian nga aksesi në të.
Në gusht të këtij viti, Bashkimi Evropian miratoi Aktin e Shërbimeve Dixhitale (DSA) i cili përcakton rregulla për parandalimin e përhapjes së përmbajtjes së dëmshme, ndalimin ose kufizimin e praktikave të caktuara të synimit të përdoruesve dhe ndarjen e disa të dhënave të brendshme me rregullatorët.
Shefi i industrisë së Bashkimit Evropian, Thierry Breton, më 11 tetor i kërkoi pronarit të X Elon Musk që të trajtojë dezinformimin në platformën e mediave sociale pas sulmit të Hamasit ndaj Izraelit, në mënyrë që të pajtohet me rregullat e reja të përmbajtjes në internet të BE-së.
Breton vuri në dukje të martën se X (ish-Twitter) po përdoret për shpërndarjen e përmbajtjeve të paligjshme dhe dezinformatave në BE.
Musk iu përgjigj postimit të Bretonit, duke thënë:
“Politika jonë është që gjithçka të jetë me burim të hapur dhe transparente, një qasje që unë e di që BE-ja e mbështet. Ju lutemi renditni shkeljet për të cilat aludoni në X, në mënyrë që publiku t’i shohë ato.”/Opinion.al
