Rrëfimi rrënqethës i vajzës që jetoi mes ushtarëve të ISIS.

Nour është një grua nga Raqqa, i ashtuquajturi kryeqyteti i Shtetit Islamik (ISIS) brenda Sirisë. Ajo arriti të shpëtojë disa javë më parë me familjen e saj dhe tani është një refugjate në Evropë. Ajo u takua me BBC-në për të treguar se si është jeta për një grua brenda në Raqqa.Bazuar në përvojat e saj dhe të dy motrave që ende janë Brenda qytetit të kontrolluar nga ISIS, kjo është historia e tyre, e cila është pjesë e mbulimit të BBC-së, sezonit të 100 grave.Kështu fillon rrëfimi i tmerrshëm i Nour. Ajo tregon tmerrin që gratë e përjetojnë nga ISIS.Thotë se nuk guxojnë të veshin pantallona e asnjëherë të dalin jashtë shtëpive pa ndonjë mashkull.“Ata na detyruan t’i mbulojmë fytyrat tona. Dhe na thanë që të mos veshim pantallona e po ashtu të mos dalim asnjëherë jashtë shtëpisë pa praninë ë ndonjë mashkulli të cilët janë përgjegjës për ne.
Na detyruan të martoheshim për ushtarët ose na obliguan të bëheshim prostituta për ata. Por burrat i lënë shtatzëna dhe të vetmuara. ISIS krijoi force policore islamike të femrave. Ata na vëzhgonin, rrihnin”, thotë ajo për BBC.
Ajo flet edhe për motrën e saj më të madhe të cilën e kishin rrahur shumë herë më kamxhik.
“Ata sillen tmerrësisht keq me femrat të cilat përballen dhe kundërshtojnë politikat e tyre.
Ata I braktisin ato në vende ku gjenden hienat e uritura për mish dhe më pastaj ato hahen të gjalla.
Motra ime më e re është afër të 20-tave dhe ka shumë frikë të dalë jashtë shtëpisë, ndërsa gjatë gjithë ditës qëndrojnë të mbyllura me nënën time të izoluara brenda mureve. Ato nuk guxojnë ta braktisin Raqqan, e nuk dëgjojnë as radio”.
Ajo po ashtu rrëfen për djalin e saj 8 vjeçar, koka e të cilit sipas saj është mbushur me urrejtje dhe mendime negative.
“Unë jam nënë, ndërsa djali im është tetë vjeç. Kam menduar se ai do të shkojë në parqe, por në vend të kësaj ISIS po ia mbushin kokën e tij me urrejtje dhe e kanë helmuar me mendime negative për mua”, tregon ajo.
Ajo e përfundon rrëfimin e saj duke thënë se Raqaa ka humbur shpirtin e saj.