Një 44 vjeçar me origjinë nga Puka dhe banim në periferi të Durrësit u arrestua dje pas denoncimit të së bijës 12 vjeçe në polici. Vajza e vogël ka treguar se i ati i dhunonte në gjithë familjarët dhe se nuk do që ai të kthehet në shtëpi.
Sipas policisë, Fran Gjergji, banues në Durrës, pasi pas një debati familjar në shtëpi, ka goditur me grushte vajzën e tij shtetasen R. Gjergji, e cila ka përfunduar në spital për mjekim.
Kjo e fundit e ka denoncuar rastin e dhunës në Polici, duke sqaruar se është dhunuar barbarisht nga babai i saj, i cili ishte kthyer në shtëpi në gjendje të dehur. Me të marrë dëshminë e të miturës në praninë e një psikologu, Policia ka vënë në pranga babanë dhunues, i cili akuzohet për veprën penale të “dhunës në familje”.
Sipas dëshmisë së dhënë nga vajza e mitur, ai ishte bërë shumë agresiv në shtëpi dhe vinte dorë mbi të gjithë anëtarët e tjerë të familjes. Nga varfëria babai ishte i alkoolizuar. “Vendosa ta denoncoj babanë, pasi më ka qëlluar disa herë. Këtë radhë më ka dëmtuar duke më qëlluar me grushte në pjesë të ndryshme të trupit. Kam frikë të qëndroj me babanë në shtëpi, pasi ai është shumë i dhunshëm dhe qëllon pa mëshirë dhe pa arsye vëllezërit dhe motrat e mija, si dhe nënën. Kohët e fundit ai kthehet në shtëpi në gjendje të dehur dhe zihet me ne pa ndonjë arsye. Dua që ai të arrestohet, pasi kemi frikë të qëndrojmë me atë në shtëpi”, është shprehur ndër të tjera vajza gjatë deklarimit në polici.
Nga ana e tij, babai dhunues është justifikuar me faktin se ka qenë në gjendje të dehur ndërkohë që ka qëlluar vajzën 12-vjeçe. Mësohet se e mitura është shprehur se i ati i kishte kërkuar edhe ujë, por ajo kishte refuzuar t’i urdhërohej në gjendjen që ishte.
*foto iluestruese
